YHWH Ti Penyaga Kitai
Sunday, 13 May 2012
Masmur 91 – Bodyguard kitai. YHWH ngelindung kitai dulu apin
penusah tauka pengerusak datai semak kitai. Iya dulu ngelindung
nerabai kitai ngena kuasa Iya, ngambika kitai free ari emba
penanggul ti deka nuntung. Rajai pan enda meh kitai. Halleluia!
Benih Manah, Ketau Pan Manah
Sunday, 06 May 2012
Tanam Leka benih Jaku Tuhan ba ati enggau pengidup kita, lalu
lebuh nya bebuah lebat lalu mansau, nya maya iya kitai enjoy
berekat YHWH, lalu kitai enda berasai, tak lalu menih-semenih
ngagai umai orang bukai. (Pengidup sida) Puji Tuhan
YHWH Meri, Kitai Nerima
Sunday, 29 April 2012
Mayuh agi berekat diterima kitai ari YHWH, manah agi ga nama
‘Tubuh Kristus’ awakka kitai menyadi, tau malut orang di luar dia
ngena berekat, ngena pengerindu, ngena grace YHWH. Halleluia!
YHWH Papa Kitai
Sunday, 22 April 2012
Semua kitai ti udah ngaku Jesus nyadika Tuhan kitai, udah
didaku YHWH nyadika anak Iya. Nya alai diatu, kitai ngangauka
Iya, “Abba! Papa!” (Romans 8:15
Pengerindu YHWH
Sunday, 15 April 2012
Jesus dekaka kitai enjoy serega lebuh kitai idup di dunya tu. Ku Iya,
“Baka nya di serega baka nya di dunya.” Ba dalam Pengerindu Iya, kitai
bisi pemakai didempa, bisi gari dikena, bisi belanja, bisi pemaik, bisi
pengelantang, penyenang, penyamai, pengerai, pengayu, pengelikun.
Bisi semua utai ti manah.
Pengangkat Ngagai Pengidup Ti Baru
Sunday, 08 April 2012
Pengangkat Ngagai Pengidup Ti Baru. (08.04.2012)
Jesus udah diangkatka ari mati lalu diatu idup, berimbai semak
enggau kitai, begulai enggau kitai sereta nyadika semua “utai” ti
diguna kitai, ti diinginka kitai. Gagaka ati, Jesus idup!
Pengerindu YHWH Ba Atas Regang
Sunday, 01 April 2012
YHWH ngasuh mensia meda sereta ngelala Iya ari pengerindu Iya.
Meda penyinu enggau pengasih Iya. Ba atas regang, mensia diampun.
Jesus meri grace lalu mai mensia ngagai serega. Semina Jesus aja ulih
ngereja utai ti bansa tu. Puji Tuhan.
Grace Ngagai Pengawa Kitai
Sunday, 25 March 2012
Pilih kasih (favour) enggau berekat Tuhan ba pengidup kitai beguna agi
Ari kitai ti bebendar gawa nitihka chara dunya. Ni pemayuh berekat
ka diterima kita ari Iya - nitihka penyampau ti dikedekaka kita.
Jesus Ti Dulu Enggau Penudi
Sunday, 18 March 2012
Menyadi, Jesus bediri ba mua “utai” ti diguna nuan. Nama “utai”
dipinta nuan ari Iya? Nama “utai” asuh nuan gaga Iya? Jesus ka endar
nyebut, “Awakka “utai” nya nyadi ba nuan nitihka jaku disebut nuan.”
Pinta – Lalu Kita Nerima
Sunday, 11 March 2012
Jesus datai ngagai kitai bejalai ba atas semua penanggul kitai lalu
madah ngagai kitai, “Aku meh Aku, ti Pemadu Besai. Nama kebuah
pengarap kita ngemit nya. Nama kebuah kita kakang minta ari Aku.”
Menyadi, pinta – lalu kita deka nerima. (Matthew 7:7)
Nerima Berekat Abraham
Sunday, 22 January 2012
YHWH merekatka kitai ukai tegal kitai manah. Iya merekatka kitai laban kitai endang anak ti disayauka Iya, anak ti dikerinduka Iya. Laban kitai peturun Abraham, lalu sama bempu waris enggau Jesus Kristus.
Pemenang Jesus, Pemenang Kitai
Sunday, 15 January 2012
Jesus madahka kitai tau bisi pemaik, penyamai enggau pengidup, taja pan kitai benung ba tengah-tengah penusah enggau penanggul. Dibelit masalah. Ari kiba penusah tama, ari kanan pemerinsa masuk, ari mua penanggul dipeda, ari belakang macham-macham utai datai nyerang.
